Lo Navèth Continent

B'ei grana la mea tèrra nava qui vadó,

Quan estossi estroçada la mair Pangèa.

N'ei pas la hasenda mei vasta que vedó,

Mes mei cantadissa que l'antica Egèa

Bèra isla perduda per las mars blavas,

La que creèn òmis que guardi a l'estac.

Qu'i regni solet shens partiments ni travas,

Com lo quite Ulissi sus l'isla d'Itac.

Que lanci contra l'espandida de la mar,

Tot las meas legions de dèishas e de plastic.

Atau cascantejarèi lo monde uman,

Las tèrras e las mars deu creator patetic.

Que soi lo rei d'un monde desrasonable,

Qui hè la corruda cap au consumible.

Aprestatz-me d'un gran màntol socialista,

Jo qui soi lo bèth Sénher Capitalista.

Tà la Mar de Plastic