D'un còp de calam

Que trauqui la nueit opaca,
qui ara e lança suu monde,
lo vèu diabolic de la fe
shens tiéner cas de l'etica.

D'un còp de calam:


Que pòrti un trist messatge,
qui hè córrer sus las gautas
ua chorrèra de lagremas.
Atau qu'arriba l'auratge.


D'un còp de calam:


Que pregui Dauna Libertat.
Podossi obrir los uelhs claus
deus òmis autan pècs com faus.
Que'n patitz hòrt Dauna Vertat.


D'un còp de calam:


Qu'escrivi un umble auròst,
entaus èstes qui cadón uei.
Ne'vs harà pas passar lo goei
mes que v'obrirà un endòst


D'un còp de calam:


Que viven enqüèra com mots;
Los qu'èi causits amarament;
En questa d'un apatzament.